கல்பாக்கத்தில் இந்தியா புதிய உலக சாதனை!

உலகிலேயே முதல் முறையாக அணுசக்தி வெப்பம் மூலம் ஹைட்ரஜன் உற்பத்தி: கல்பாக்கத்தில் இந்தியா புதிய சாதனை- தமிழ்நாட்டின் கல்பாக்கத்தில் அமைந்துள்ள Indira Gandhi Centre for Atomic Research வளாகத்தில், உலகிலேயே முதல் முறையாக அணுசக்தி வெப்பத்தைப் பயன்படுத்தி ஹைட்ரஜன் உற்பத்தி செய்யும் முன்னோடி (Technology Demonstrator) ஆலை தொடங்கப்பட்டுள்ளது. இது இந்தியாவின் தூய்மை எரிசக்தி துறையில் முக்கிய மைல்கல்லாகக் கருதப்படுகிறது.

இந்த ஆலை, கல்பாக்கத்தில் செயல்பட்டு வரும் Fast Breeder Test Reactor-இல் இருந்து கிடைக்கும் அணு வெப்பத்தைப் பயன்படுத்தி ஹைட்ரஜனை உற்பத்தி செய்கிறது. இதில், Bhabha Atomic Research Centre உருவாக்கிய உள்நாட்டு Copper–Chlorine (Cu–Cl) Thermochemical Cycle தொழில்நுட்பம் பயன்படுத்தப்பட்டுள்ளது.

இந்த முறையின் மூலம், கார்பன் வெளியேற்றம் இல்லாமல் தூய்மையான ஹைட்ரஜனை அதிக செயல்திறனுடன் உற்பத்தி செய்ய முடியும்.இந்த முன்னோடி திட்டத்தை, அணுசக்தித் துறையின் செயலரும் அணுசக்தி ஆணையத் தலைவருமான Ajit Kumar Mohanty தொடங்கி வைத்தார். எதிர்காலத்தில் அணுமின் நிலையங்களுடன் இணைந்து பெரிய அளவில் பசுமை ஹைட்ரஜன் உற்பத்தி செய்வதற்கான அடித்தளமாக இந்தத் திட்டம் அமையும் என்று விஞ்ஞானிகள் தெரிவித்துள்ளனர்.

போக்குவரத்து, உர உற்பத்தி, எஃகு தொழில், மின் உற்பத்தி உள்ளிட்ட பல்வேறு துறைகளில் ஹைட்ரஜன் முக்கிய எரிபொருளாக உருவெடுத்து வரும் நிலையில், இந்த சாதனை இந்தியாவின் சுத்தமான எரிசக்தி இலக்கை வேகப்படுத்துவதுடன், அணுசக்தி ஆராய்ச்சியில் உலக அரங்கில் இந்தியாவின் முன்னணிப் பங்களிப்பையும் மீண்டும் உறுதிப்படுத்தியுள்ளது.