இந்தியப் பிரதமர் நரேந்திர மோடி, பிரான்ஸ் நாட்டின் நீஸ் (Nice) நகரில் அந்நாட்டு அதிபர் இமானுவேல் மேக்ரானை சந்தித்துப் பேச்சுவார்த்தை நடத்தினார். ஜி-7 (G7) மாநாட்டில் பங்கேற்பதற்காக பிரான்ஸ் சென்றுள்ள மோடி, அதிபர் மேக்ரானுடன் இணைந்து ‘பாரத் இன்னோவேட்ஸ்’ (Bharat Innovates) என்ற தொழில்முனைவோர் மாநாட்டையும் கூட்டாகத் தொடங்கி வைத்தார்.
பிரான்ஸ், ஸ்லோவேக்கியா நாடுகளில் பிரதமர் மோடி 6 நாட்கள் சுற்றுப் பயணம் மேற்கொள்கிறார். இதற்காக டெல்லியில் இருந்து கடந்த 13-ம் தேதி அவர் பிரான்ஸ் புறப்பட்டுச் சென்றார். இந்நிலையில், பிரான்ஸின் நீஸ் நகரில் ‘பாரதத்தின் புதுமை கண்டுபிடிப்புகள்’ என்ற 3 நாள் மாநாடு நேற்று தொடங்கியது.
இந்தியாவைச் சேர்ந்த 150-க்கும் மேற்பட்ட தகவல் தொழில்நுட்ப நிறுவனங்கள், ஸ்டார்ட்அப் நிறுவனங்கள் மாநாட்டில் அரங்குகளை அமைத்துள்ளன. உலகம் முழுவதும் இருந்து 500-க்கும் மேற்பட்ட முதலீட்டாளர்கள் சிறப்பு விருந்தினர்களாக பங்கேற்றுள்ளனர்.
பிரதமர் வரவேற்பு நிகழ்வில், லுச்னிகா என்சம்பிள் (Lucnica Ensemble) குழுவினர் “வந்தே மாதரம்” பாடலைப் பாடி மரியாதை செலுத்தினர். இந்த நிகழ்வு, “வந்தே மாதரம்” பாடலின் 150வது ஆண்டு நினைவை நாம் கொண்டாடி வரும் இந்த முக்கியமான காலகட்டத்தில் இடம்பெற்றுள்ளது. இந்தியாவின் வரலாற்றிலும், விடுதலைப் போராட்டத்திலும் இப்பாடல் ஆற்றிய மகத்தான பங்களிப்பை நினைவுகூரும் தருணமாகவும் இது அமைந்துள்ளது.
