கர்நாடக அரசு காவிரி நீரை தமிழ்நாட்டிற்கு திறந்துவிடாத விவகாரம் மீண்டும் அரசியல் சர்ச்சையை ஏற்படுத்தியுள்ளது. இந்த நிலையில், தமிழ்நாட்டில் உள்ள காங்கிரஸ் அமைச்சர்கள் தங்களது பதவியை ராஜினாமா செய்து எதிர்ப்பை வெளிப்படுத்த வேண்டும் என்று புரட்சி பாரதம் கட்சியின் தலைவர் பூவை ஜெகன்மூர்த்தி வலியுறுத்தியுள்ளார்.
அவர் வெளியிட்டுள்ள அறிக்கையில், காவிரி நீர் என்பது வெறும் அரசியல் பிரச்சினை அல்ல; தமிழ்நாட்டின் டெல்டா மாவட்ட விவசாயிகளின் வாழ்வாதாரத்துடன் நேரடியாக தொடர்புடைய உயிர்ப்பிரச்சினை என்றும் குறிப்பிட்டுள்ளார்.
கர்நாடகதிலும் காங்கிரஸ் கட்சியே ஆட்சியில் இருக்கும் நிலையில், தமிழக காங்கிரஸ் அமைச்சர்கள் மௌனம் காக்காமல் தங்கள் கட்சியின் உயர்மட்ட தலைமையை வலியுறுத்த வேண்டும் என்றும் அவர் தெரிவித்துள்ளார்.
மேலும், தமிழ்நாட்டின் உரிமைக்காக காங்கிரஸ் அமைச்சர்கள் பதவியை ராஜினாமா செய்து அரசியல் அழுத்தத்தை உருவாக்கினால் மட்டுமே கர்நாடக அரசும் மத்திய அரசும் இந்த விவகாரத்தில் தீவிர கவனம் செலுத்தும் சூழல் உருவாகும் என்றும் அவர் கூறியுள்ளார்.
காவிரி மேலாண்மை ஆணையத்தின் உத்தரவுகள், உச்சநீதிமன்றத் தீர்ப்புகள் ஆகியவற்றை கர்நாடக அரசு முழுமையாக மதித்து தமிழகத்திற்கு உரிய நீரை வழங்க வேண்டும் என்றும் அவர் வலியுறுத்தியுள்ளார்.காவிரி நீர் விவகாரம் மீண்டும் அரசியல் சூடுபிடித்துள்ள நிலையில், பூவை ஜெகன்மூர்த்தியின் இந்தக் கோரிக்கை அரசியல் வட்டாரங்களில் கவனத்தை ஈர்த்துள்ளது.
எனினும், இந்தக் கருத்துக்கு காங்கிரஸ் கட்சி அல்லது தமிழக அரசு தரப்பில் இதுவரை அதிகாரப்பூர்வ பதில் வெளியாகவில்லை.
