ஹைதராபாத்தைச் சேர்ந்த ஸ்கைரூட் ஏரோஸ்பேஸ் நிறுவனம் உருவாக்கிய விக்ரம்-1 ராக்கெட், இந்தியாவின் முதல் தனியார் ஆர்பிட்டல் (Orbital) ராக்கெட்டாக வரலாறு படைத்துள்ளது.
ஆந்திர மாநிலம், ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் உள்ள முதலாவது ஏவுதளத்தில் இருந்து இன்று (ஜூலை 18-ம்தேதி) காலை 11.30 மணிக்கு விண்ணில் ஏவப்படுகிறது.
சிறிய செயற்கைக்கோள்களை 500 கி.மீ. உயரம் வரை உள்ள Low Earth Orbit (LEO) சுற்றுப்பாதையில் துல்லியமாக நிலைநிறுத்தும் வகையில் இந்த ராக்கெட் வடிவமைக்கப்பட்டுள்ளது.
முழுக்க கார்பன்-காம்போசிட் (Carbon Composite) பொருட்களால் உருவாக்கப்பட்ட இந்த ராக்கெட், எடை குறைவாகவும் அதிக வலிமையுடனும் செயல்படுகிறது.• ராக்கெட்டின் எஞ்சின்கள் 3D பிரிண்டிங் தொழில்நுட்பத்தில் தயாரிக்கப்பட்டவை.
இதனால் உற்பத்தி நேரமும் செலவும் குறைந்து, செயல்திறன் அதிகரிக்கிறது. விக்ரம்-1, மூன்று நிலை (Three-stage) திட எரிபொருள் ராக்கெட்டாகும். சுமார் 480 கிலோ வரை செயற்கைக்கோள்களை தாழ்வான சுற்றுப்பாதைக்கு கொண்டு செல்லும் திறன் கொண்டது.
இதற்கு முன் 2022-ல் விக்ரம்-எஸ் என்ற சப்-ஆர்பிட்டல் ராக்கெட்டை வெற்றிகரமாக ஏவிய ஸ்கைரூட், தற்போது முழுமையான ஆர்பிட்டல் ராக்கெட்டை ஏவி இந்திய விண்வெளித் துறையில் புதிய மைல்கல்லை எட்டியுள்ளது.• இந்த வெற்றி, இந்தியாவில் தனியார் விண்வெளித் துறையின் வளர்ச்சிக்கு மிகப்பெரிய திருப்புமுனையாக பார்க்கப்படுகிறது.
செயற்கைக்கோள் ஏவுதல் சந்தையில் இந்தியாவின் பங்கை அதிகரிக்கவும், உலகளாவிய வணிக வாய்ப்புகளை உருவாக்கவும் இது முக்கிய முன்னேற்றமாக கருதப்படுகிறது.
